Majukumu ya Idara ya Katiba na Ufuatiliaji Haki

Jukumu kuu la Divisheni ni kushughulikia masuala ya utekelezaji wa Katiba na ufuatiliaji wa haki na masuala ya haki za binadamu.

Kwa maana ya kwamba;

i.Kushauri Wizara kuhusu masuala ya kisera, utoaji haki na maendeleo ya Katiba.

ii.Kufuatilia na kushauri kuhusu mwitikio, uimarishaji na umuhimu wa masuala ya Katiba na utoaji haki.

iii.Kuratibu maendeleo ya Katiba na utekelezaji wake.

iv.Kufuatilia mifumo ya utoaji haki inavyotekeleza majukumu yake.

v.Kuratibu na kuandaa ripoti za haki za binadamu kwa ajili ya kuwasilisha katika vyombo na mashirika ya haki za binadamu ya Umoja wa Mataifa.

Majukumu mengine ya Divisheni ni:

i.Kuratibu masuala ya Katiba;

ii.Kutoa elimu kwa umma kuhusu masuala ya Katiba;

iii.Kushirikiana na Ofisi ya Mwanasheria Mkuu wa Serikali katika masuala yanayohusu Katiba

iv.Kushirikiana na Ofisi ya Makamu wa Rais katika masuala yanayohusu Katiba;

v.kuandaa miongozo ya kisheria na kisera na kuratibu marekebisho ya sheria kwa ajili ya utekelezaji wa haki;

vi.Kufuatilia utekelezaji wa mfumo wa utoaji haki nchini;

vii.Kuratibu vyombo vya utoaji haki nchini na utendaji wake;

viii.Kuratibu mikutano ya wadau ya kukusanya maoni juu ya masuala mbalimbali yanayohusu mikataba ya kimataifa;

ix.Kuandaa ripoti ya haki za binadamu kwa ajili ya kuwasilisha kwa vyombo vya Umoja wa Mataifa vinavyosimamia haki za binadamu;

x.Kutoa elimu kwa wananchi kuhusu masuala ya haki za binadamu;

xi.Kushirikiana na Ofisi ya Mwanasheria Mkuu wa Serikali katika kupata ushauri na maoni kuhusu masuala ya haki za binadamu.