Kwa mujibu wa Hati Idhini ambayo ilitolewa katika Gazeti la Serikali Na. 686 la tarehe 19 Desemba, 2025, Wizara ya Katiba na Sheria ilipewa usimamizi na uratibu wa majukumu yafuatayo: -

1. Kutunga sera zinazohusu masuala ya sheria na kusimamia utekelezaji wake;
2. Kushughulikia masuala ya kikatiba;

3. Kusimamia mfumo wa haki na utoaji haki;
4. Uandishi wa Sheria;
5. Kuendesha mashtaka ya jinai;
6. Kushughulikia uendeshaji wa mashauri ya madai na usuluhishi;
7.Usuluhishi wa migogoro ya kibiashara, Sheria za kimataifa na Mikataba;
8. Kuratibu masuala ya haki za binadamu na utoaji wa huduma ya msaada wa kisheria;
9. Kusimamia shughuli za ufilisi na udhamini;
10. Kuratibu tathmini na maboresho ya Sheria;
11. Kuratibu ufuatiliaji na tathmini ya utekelezaji wa Sheria za Utajiri na Maliasilia za nchi;
12. Kushughulikia urejeshwaji wa wahalifu na masuala ya ushirikiano wa kimataifa kwenye makosa ya jinai;
13. Kuboresha utendaji na maendeleo ya rasilimali watu iliyo chini ya Wizara; na
14. Kuratibu majukumu ya taasisi, mipango na miradi chini ya Wizara