- Mwanzo
- Kuhusu Sisi
- Utawala
- Muundo wa Wizara
- Idara na Vitengo
- Kitengo cha Uhasibu na Fedha
- Kitengo cha Tehama
- Idara ya Utawala na Rasilimali Watu
- Kitengo cha Ukaguzi wa Ndani
- Idara ya Sera na Mipango
- Idara ya Huduma ya Kisheria kwa Umma
- Kitengo cha Mawasiliano Serikalini
- Idara ya Katiba na Ufuatiliaji Haki
- Kitengo cha Ununuzi na Ugavi
- Divisheni ya Haki za Binadamu
- Natural Wealth and Resources Observatory Unit
- Habari
- Machapisho
- Katiba
- Fomu Mbalimbali
- Tafiti
- Miongozo
- Taarifa Mbalimbali
- Sera
- Sheria Mbalimbali
- Katiba na Haki za Binadamu
- Sheria za Jinai
- Sheria za Madai
- Sheria za Ardhi
- Sheria za Mazingira
- Sheria za Mirathi
- Sheria za Utawala
- Sheria za Biashara
- Sheria za Rasilimali za Nchi na Madini
- Sheria za Masaidiano na Mataifa Mengine
- Sheria za Kimataifa
- Sheria za Mabaraza na Usuluhishi
- Sheria za Marekebisho ya Sheria Mbalimbali
- Ununuzi
- Huduma Kupitia Mtandao
- Huduma za Msaada wa Kisheria
- Sheria Blog
Jamhuri ya Muungano wa Tanzania
Wizara ya Katiba na Sheria
(MoCLA)
KAMPENI YA MSAADA WA KISHERIA KUFANYIKA NCHI NZIMA: DKT. KAZUNGU
Imewekwa: Wednesday 25, January 2023 KAMPENI YA MSAADA WA KISHERIA KUFANYIKA NCHI NZIMA: DKT. KAZUNGU
Serikali imejipanga kufanya kampeni ya Msaada wa Kisheria nchi nzima itayolenga kutoa elimu juu ya masuala mbalimbali yanayohusiana na sheria kwa watanzania wote.
Kauli hiyo imetolewa na Naibu Katibu Mkuu wa Wizara ya Katiba na Sheria Dkt. Khatibu Kazungu alipokuwa akifungua kikao kazi cha wajumbe wa Kamati ya maandilizi ya kampeni hiyo tarehe 24 Januari, 2023 Jijini Dodoma.
“Wananchi wengi bado hawana uelewa wa kutosha kuhusu masuala ya kisheria hali inayopelekea wengi wao kukosa haki zao, kutokuzipata kwa wakati au kuzipata kwa gharama kubwa sana.” Alisema Dkt. Kazungu.
Kampeni hiyo ambayo imepewa jina la _Mama Samia Legal Aid Campaign_ itatoa elimu ya kisheria kwa wataalam katika ngazi mbalimbali za kijamii na kwa wananchi wote ili kurahisisha taratibu zinazotakiwa kufuatwa wakati wa utoaji wa Haki na pia Haki iweze kutolewa kwa wakati.
Akitaja baadhi ya maeneo ya kuzingatia wakati wa utoaji elimu, Dkt. Kazungu alisema masuala ya ukarimu wa kijinsia, mirathi, masuala ya ardhi na haki za binadamu ni sehemu ya maeneo muhimu yanayogusa jamii na yanatakiwa kutafutiwa ufumbuzi kwa haraka sana.
Aidha, Dkt. Kazungu amehimiza ushirikiano miongoni mwa wadau wa Serikali na wasio wa Kiserikali na kuwataka kutumia weredi, uzoefu na ujuzi wao katika utekelezaji wa kampeni hii katika ngazi za kitaifa na kijamii ili katika kuhakikisha maeneo yote yanafikiwa na hivyo kuleta matokeo makubwa kwa haraka.
“Tunapopanga kutekeleza kampeni hii tuzingatie kwamba imebeba taswira ya Mhe. Dkt. Samia Suluhu Hassan Rais wa Jamhuri ya Muungano wa Tanzania. Kwa kukubali kutumia jina lake Mhe. Rais ametuamini kuwa tutafanya kazi hiyo kwa uadilifu wa hali ya juu, tutafanya kazi iliyo njema na hivyo kulinda heshima yake kama Kiongozi Mkuu wa Taifa letu.” Aliongeza Dkt. Kazungu.
Aidha, amesema kampeni hiyo izingatie azma ya Mhe. Rais katika kulinda haki za kikatiba, utawala wa sheria, na haki za binadamu huku akiwaahidi kuwa Wizara ya Katiba na Sheria itatoa ushirikiano wa kutosha katika kufikia malengo yaliyowekwa katika kutekeleza kampeni hii.
Kamati hii inayoongozwa na Katibu Mkuu wa Wizara ya Katiba na Sheria kama Mwenyekiti na Bi. Lulu Ng’wanakilala Mkurugenzi Mtendaji wa LSF kama Makamu Mwenyekiti imekutana kwa lengo la kuendelea na maandalizi ya kampeni hiyo ikiwa ni pamoja na kubainisha mahitaji, kazi zitakazotekelezwa, na majukumu ya kila mdau.
