Majukumu ya Idara ya Sera na Mipango

Madhumuni ya kuanzishwa

Kutoa ushauri wa kitaalam na huduma katika masuala ya sera na mipango; ufuatiliaji na tathmini

Majukumu ya Divisheni

i)Kuratibu maandalizi ya sera chini ya wizara, usimamizi na tathimini ya utekelezaji wake;

ii)Kufanya uchambuzi wa sera na nyaraka kutoka wizara mbalimbali na kushauri ipasavyo;

iii)Kuratibu maandalizi ya mipango na bajeti ya Wizara pamoja na kutekelezaji wake;

iv)Kufanya ufuatiliaji na tathmini ya utekelezaji wa mipango na bajeti ya Wizara na kuandaa taarifa;

v)Kufanya tafiti, uchambuzi na tathimini ya hali utoaji wa huduma mbalimbali chini ya Wizara na kuwezesha menejimenti kufanya uamuzi sahihi kuhusu hali ya baadaye ya sekta ya sheria;

vi)Kuhamasisha na kuwezesha ushiriki wa sekta binafsi katika utoaji wa huduma za kiuendeshaji;

vii)Kuratibu maandalizi ya hotuba ya Waziri wa Katiba na Sheria kuhusu bajeti ya Wizara; na mchango wa Wizara katika taarifa ya tathmini ya hali ya uchumi wa nchi;

viii)Kutoa ushauri wa kitaalam katika kuoanisha Mpango Mkakati wa Wizara, mipango na bajeti kwa kila mwaka; na mfumo wa ufuatiliaji na tathmini;

ix)Kuhakikisha kuwa mipango na bajeti ya Wizara imejumuishwa katika mpango wa Taifa wa maendeleo na bajeti ya Serikali;

x)Kufanya utafiti wa hali ilivyo katika utoaji wa huduma za kisheria, kubainisha maeneo yenye upungufu wa kisera;

xi)Kuandaa mipango ya maendeleo ya muda mfupi, muda wa kati na muda mrefu kwa ajili ya sekta ya sheria.

Idara hii inaongozwa na afisa mwenye cheo cha Mkurugenzi na inaundwa na sehemu tatu: Sehemu ya Sera, Sehemu ya Mipango na Bajeti; na Sehemu ya Ufuatiliaji na Tathmini.